Өмірбаян

Мен, Маматова Гүлнар Өгізбайқызы, 1990 жылы Гоголь атындағы Қызылорда педагогикалық институтын бітірген соң, Қызылорда облысының №142 орта мектебінде математика пәнінің мұғалімі, 1992-2000 жылдары Қорқыт ата атындағы Қызылорда мемлекеттік университетінің «Жоғары математика және физика» кафедрасында оқытушы қызметін атқардым. 2000 жылы Қ.И.Сәтбаев атындағы Қазақ ұлттық техникалық университетіне аспирантураға түсіп, 2004 жылы Нью-Йорк Ғылыми Академиясының академигі, ҚР Ұлттық Инженерлік Академиясының академигі Ә.Н.Төреқожаевтың жетекшілігімен 01.02.04- «Деформацияланатын қатты денелер механикасы» мамандығы бойынша физика-математика ғылымдарының кандидаты дәрежесіне диссертация қорғадым. 2004-2016 жылдар аралығында Қ.И.Сәтбаев атындағы ҚазҰТЗУ-да, 2016-2019 жылдар аралығында Азаматтық авиация академиясында қауымдастырылған профессор қызметін атқардым. 2019 жылдан бері әл-Фараби атындағы Қазақ Ұлттық университетінің химия және химиялық технология факультетінің, химиялық физика және материалтану кафедрасында жұмыс жасаймын.